曼联名宿访韩 跟住「星仔」去Shopping

xcy232323

曼联上星期将「宣传大使」费格逊炒鱿，不过佢哋仍然有唔少旧将喺世界各地宣传，近日里奥费迪南、尼曼查维迪、云达沙、贝碧托夫就现身南韩，跟住「导游」朴智星去Shopping，勾起曼联球迷美好回忆。
5位曼联名宿都系08/09球季英超冠军功臣，今次访韩系应足球游戏商邀请去踢表演赛，众球星齐齐换上传统韩服，跟住朴智星去游览同购物，据报佢哋参观过狎鸥亭、首尔塔同光化门等热门景点，沿途都有唔少球迷要求合照。
里奥费迪南率先喺IG贴出佢哋游韩相片，更自爆获朴智星带去买衫，而且「星仔」仲会帮所有人埋单，认真豪气！报道指佢哋参加嘅表演赛，会系「攻击队」对「防守队」，其他出席球星名单包括亨利、奥云、卡卡、李华度、费高、夏萨特同迪比亚路等等。