麦巴比出声撑伊祖沙古尔 球队证伤势无大碍

xcy232323

       

        周三（9日）深夜欧联16强次回合大战，首回合领先1球嘅法甲豪门巴黎圣日耳门，将会作客硬撼皇家马德里。不过赛前备战个阵防守中场伊祖沙古尔，竟然唔小心踢伤基利安麦巴比，随即喺社交平台畀PSG球迷丧插，搞到麦巴比都要出口力撑队友。
        据悉基利安麦巴比早前训练中，畀队友伊祖沙古尔踢伤，有大量PSG球迷因为担心依名主力，次回合可能因伤缺阵，纷纷喺伊祖沙古尔同佢女朋友嘅社交平台闹爆，更有部分留言含有种族歧视；而麦巴比知道依件事後，即刻出声力撑队友，喺社交平台发布一张同古尔庆祝嘅合照，上面更写道：「永远齐心协力，这就是巴黎。」
        而根据PSG官网最新消息，球队证实麦巴比喺训练中左脚受伤，并已经接受咗治疗，暂时临床检查无咩大碍。相信依名法国球星伤势应该都无大碍，预计赶得切喺次回合生死战上阵，PSG球迷可以松一口气。