C朗更新IG向兰历克施压 下仗要复出！

xcy232323

       

        C朗周二带同保镖重返曼联训练场操练，周四佢再有新动作，就系更新IG，并留言「要重返赛场」，传媒解读为C朗向兰历克教练团施压，要逼佢哋畀C朗下仗对热刺复任正选。
        C朗喺IG上载一张跑步照片，留言话：「努力争取强势回归，我已经急不及待要重返球场，帮助球队。」呢位葡萄牙巨星上仗曼市打吡前夕突然失踪，曼联喺佢缺阵下1比4大败於曼城，事後仲传出C朗「罢踢」。
        看守领队兰历克上仗赛後报称，C朗因为臀部受伤缺阵，但又有消息话C朗不满退居後备安排，愤然离队返葡萄牙「养伤」，据报道曼联会方为息事宁人，唔会对擅自离队嘅C朗有处罚行动。
        《曼彻斯特晚报》报道，现时曼联内部充满暗涌，兰历克部署下仗对热刺，C朗继续任後备，以留力下周欧联16强次回合生死战对马德里体育会，不过C朗显然唔会屈服，更新IG已经系一个提示，而兰历克一直唔肯接纳佢意见回复双箭头踢法，亦系死症。