自由身门将曼联跟操 做庄尼伊云斯第2？

xcy232323

       


        曼联喺冬季转会窗冇任何增兵动作，不过近日操练就多咗一个「生面口」，36岁嘅前鸭巴甸门将路易斯，最近去咗曼联跟操，佢目前处於自由身状态，随时可以同任何球会签约。
        曾效力诺域治、卡迪夫城等英格兰球会嘅路易斯，对上7季都效力苏超鸭巴甸，但上季失去正选後约满离队，一直未落班。呢位前英格兰U21国脚最近去曼联操练，日前就同汤希顿、比恩迪亚等後备龙门一齐练波。
        虽然曼联未有签门将嘅打算，但旧年夏天庄尼伊云斯季前去曼联跟操，原本亦谂住操弗後再搵班落，结果就用表现打动坦哈格将佢签入，话唔定路易斯都可以成功赢得坦哈格欢心。