一个原因 「新伊巴」拒绝投曼联

xcy232323

士砵亭教练鲁宾艾摩廉将成为曼联新领队，盛传有意带埋射手基奥基尼斯过档，但根据葡萄牙《纪录报》爆料，呢位有「新伊巴谦莫域」之称嘅瑞典国脚，并冇兴趣成「魔」，因为佢认为曼联内部太混乱，宁愿继续效力士砵亭。
鲁宾艾摩廉早前表示，基奥基尼斯毁约金达1亿欧元(约8.46亿港元)，曼联应该冇可能明年1月冬季转会市场收购佢。《纪录报》指呢位26岁前锋对於加盟曼联嗤之以鼻，就算真系要离开士砵亭，亦唔会选择曼联，因为红魔鬼近年太过混乱。
事实上，基奥基尼斯早前被传媒问到会唔会加盟曼联，佢立即否认：「同艾摩廉一齐去曼联？我唔知道，我喺士砵亭踢得好开心，冇谂过其他事情，我只系为艾摩廉离队感到难过，祝佢未来一切顺利。」基奥基尼斯为士砵亭累积上阵65场射入59球及23次助攻，盛传阿仙奴都有意收购佢。