沙拿要求续约3年 等待利物浦答覆

xcy232323

穆罕默德沙拿对利物浦嘅重要毋须多讲，明年夏天合约到期嘅佢，据报希望同利物浦续约3年，到约满时沙拿将满35岁，而对於利物浦嚟讲无疑系一场豪赌。
虽然沙特联赛一直希望签入沙拿，搵佢做阿拉伯地区足球生招牌，但沙拿仍然以利物浦为重，早前「双红会」击败曼联後，更放言自己可能最後一次在奥脱福比赛，因为会方仍未同佢倾续约。
利物浦目前排英超榜首，同沙拿火热状态有直接关系，今季沙拿交出7球6助攻，包括上场2比1击败车路士嘅致胜球，都系出自沙拿助攻所入。
不过沙拿已经32岁，周薪高达35万镑，同佢续约3年风险都唔细，沙拿状态仲可以维持几耐，将会非常关键。