阿仙奴准备同沙卡续约 有望加薪4倍

xcy232323

       

        阿仙奴翼锋布卡约沙卡今季表现大勇，喺英超已有9球进帐，包括上仗为球队一箭定江山，击败阿士东维拉，英国《太阳报》指兵工厂管理层已急不及待，准备向呢位20岁英格兰国脚提供新合约，周薪由现时3万镑，大幅增加至12.5万镑。
        布卡约沙卡现时仲有2年合约在身，但周薪仅有3万镑，属於队内最低人工球员之一，同佢对球队嘅贡献唔成正比。据悉布卡约沙卡嘅经理人近日同阿仙奴管理层见面，要求提升呢位新星嘅待遇，兵工厂方面都知道亏待咗布卡约沙卡，所以已准备大幅加佢人工续约，希望佢专心留队搏杀。
        布卡约沙卡属於阿仙奴青训产品，可以胜任左右两翼，个人技术出众，擅长盘扭突破，踢法充满侵略性，加上年轻当打，周薪增加至12.5万镑，绝对合理。