世盃上阵时间统计 Big6阿仙奴最着数

xcy232323

       

        英超休战1个半月後重燃战火，一众豪门都有大量主力飞去卡塔尔踢世盃，严重影响备战工作。英国《每日邮报》统计英超各队球员喺世盃嘅上阵时间，Big6一如所料系最多嗰6队，不过榜首阿仙奴嘅球员合共只踢1,699分钟，比曼城少差唔多3,000分钟，话唔定会系一个优势。
        曼城有16个球员踢世盃，合共累积4,628分钟上阵时间冠绝英超，热刺(3,454分钟)同曼联(3,403分钟)都有阿根廷同法国嘅国脚，踢到入决赛当然唔会轻松。阿仙奴虽然有10个球员参赛，但入4强嘅只有法国中坚威廉沙列巴，而且佢成届世盃只系踢过27分钟，体力付出有限。
        阿仙奴合共只有1,699分钟，系Big6入面世盃参与率最低嗰队，体能上亦会占优，不过「兵工厂」首席前锋加比尔捷西斯喺世盃期间重伤，做手术後预计要抖3个月，计上阵时间好似最着数，但实际可能会受害最深嘅一队。