【官宣】加普着红军18号：我等唔到曼联

xcy232323

       

        利物浦周四(29日)官方宣布，荷兰前锋加普完成体测後正式签约，据报合约为期5年半，呢位23岁荷兰国脚将会披起18号波衫。加普谈及今个夏天未能转会英超，佢承认曾经等待曼联出手，但最後都系等唔到。
        据悉今次转会费为3,700万镑，另外有约1,300万镑浮动转会费，加普签约後向利物浦官网表示：「我好期待喺晏菲路球场比赛，我听过好多关於呢个球场嘅故事，知道呢度嘅气氛有几犀利，我嘅目标系帮利物浦赢得尽量多冠军，个人方面就想每季都成为更出色嘅球员。」
        加普喺季前已经几乎登陆英超，但最终未有成事，佢接受《NRC》访问回忆夏天嘅紧张：「嗰段日子好辛苦，但我学到好多，我一直有谂去曼联，但几时告吹我已经唔记得，嗰阵我开始担心，之後列斯联出手，我应唔应该去呢？我最近一直等待，但已经冇听过曼联任何消息，等到有出价出现我先再去考虑，我做决定前甚至向上帝寻求帮助......」