云佬煞科前突劈炮 燕豪芬欧联席位有暗涌

xcy232323

       


        荷甲今个星期煞科前，排第2位嘅燕豪芬突然出现易帅消息，云尼斯达莱因为觉得喺球会「缺乏支持」，所以连最後1场比赛都唔带埋，宣布即时劈炮辞职！燕豪芬依家领先第3嘅阿积士3分，煞科战至少要拎1分先确保欧联参赛资格。
        46岁嘅云尼斯达莱上年3月执教燕豪芬，帮球队拎到荷超盃同荷盃冠军，今季联赛亦排第2位，但喺煞科战前突然辞职，燕豪芬声明表示：「云尼斯达莱已通知球员同教练，佢会即时辞职，因为觉得喺球会得唔到足够支持，球会对佢嘅决定表示遗憾，但亦多谢佢为球队赢得荷盃同荷超盃冠军。」
        据报燕豪芬曾要求云尼斯达莱带队踢埋煞科战，但就被呢位曼联名宿拒绝，燕豪芬喺煞科日作客阿尔克马尔，要拎到至少1分先确保欧联席位，呢场比赛会由助教鲁顿暂代帅位。