欧国外 为氹球迷法国半Ｗ有希望

xcy232323

       


        今晚欧国外B组焦点战，法国主场迎击希腊。「高卢鸡」上仗对弱旅直布罗陀只系赢得3粒，令球迷失望，身为队长嘅基利安麦巴比向来要面，今仗定火力全开，加上法国出战欧国外例抢缰，半场主胜有计。（周二凌晨2时45分开赛）
        法国欧国外头3轮全胜兼保持不失，不过上轮对住「冇骨鱼腩」直布罗陀，全场埋门多达31次，点知唔系被对手门将「神救」，就系中楣中柱，完场只赢3比0。之前荷兰对直布罗陀又系赢3粒，一度沦为笑柄，估唔到「高卢鸡」重演呢个剧本，球迷梗系唔多收货。
        法国应付今轮欧国外相当认真，上仗除起用韦斯利科芬拿同拜斯森巴两名新仔外，基利安麦巴比、基奥特及基沙文等「大佬」悉数上阵，但未能尽数鱼腩，就算赢波都难免失威。查实麦巴比已经交足货，入咗一粒兼逼到对手摆乌龙，今仗主场出击，身为队长嘅佢为尽快氹番球迷，预料一开波就嚟料。
        希腊防守欠稳健
        另一边厢，希腊由前车路士中场普耶执教，虽然头两轮赢晒，但对手只系直布罗陀同爱尔兰，今仗先系真正考验，佢哋近7仗有5场失波，防守唔算好稳健。翻查纪录，法国近4仗欧国外，3次上半场就领先，踢法坚抢缰，半场主胜捧得过。