孙兴民闪电复操 周六即斗白礼顿

xcy232323

       

        南韩周二(6日)喺亚洲盃4强出局，王牌球星孙兴民虽然身心俱疲，但周四(8日)将闪电为热刺复操，并有机会喺周六(10日)主场对白礼顿嘅英超联赛上阵。亚洲盃「日韩梦幻决赛」未有机会上演，但孙兴民大战三笘薰嘅戏码就会喺英超出现。
        据英国《衞报》报道，南韩喺4强输畀约旦後，孙兴民即刻飞返伦敦，周日会为热刺进行操练，球会将检查佢嘅身体情况，如果一切理想，周六对白礼顿就会上阵。孙兴民喺亚洲盃期间缺席热刺5场赛事，当中3场英超只得1胜，喺英足盃亦被踢出局。
        有趣嘅系，热刺对白礼顿喺星期六晚11点(香港时间)举行，正正就系亚洲盃决赛开波时间，白礼顿亦有日本国脚三笘薰候命，本来孙兴民同三笘薰被睇好会喺亚洲盃决赛争雄，估唔到依家要喺英超对垒。