懒理美斯 碧咸约前队友打波好过

xcy232323

       


        国际迈亚密访港，球王美斯「斋坐」，被球迷猛烈批评，班主碧咸亦遭殃成为箭靶，呢位英格兰名宿冇随队去日本，早前被影到飞赴卡塔尔睇亚洲盃4强约旦对南韩，原来佢睇完波之後，继续留喺当地，并约前巴黎圣日耳门(PSG)队友马高华拉堤打「板式网球」。
        碧咸球员生涯最後一站系2013年1月加盟PSG，同马高华拉堤做过半季队友，呢位意大利中场上年9月转投卡塔尔球队艾阿拉比，咸哥今次趁机搵马高华拉堤聚旧，并一齐打「板式网球」消遣。网民认为碧咸被美斯「斋坐」事件，搞到身心俱疲，所以要暂时远离球队，享受假期叉电。