【有片】真谷爆！安素被利迷疯狂耻笑

xcy232323

       

        车路士喺英联盃决赛，对住阵容天残地缺、起用多位新人嘅利物浦都赢唔到，球队上下当然冇晒瘾，其中几位「1亿先生」更加成为众矢之的，阿根廷中场安素费南迪斯行上台领亚军奖牌期间，就被利迷疯狂耻笑，安素一度回头想「还拖」，但被队友拉住，只能够谷住啖气冇声出。
        车路士输波後，一众球员仍然排队上台领取亚军奖牌，有利迷就影住梅迪历同安素费南迪斯2位身价过亿「巨星」，有多口利迷就挑衅：「安素，你真系唔好彩啦！」随即「高八度」笑声疯狂耻笑，安素听到就停低作势想郁手，但就被排後面嘅球员拍住膊头拉走，利迷见安素谷住啖气咁走，就笑得更加大声。
        该名利迷之後更将呢段影片摆上社交网，继续狙击呢位阿根廷中场：「有冇人可以帮安素搵啲食物呀？佢应该好肚饿想咬人。我只系叫佢下年再努力啫，呢个20万镑周薪嘅人就想打我啦！」