曼联炒车锁定欧联席位 安东尼瞓担架离场

xcy232323

       

        英超欧联资格大局已定，曼联周五(26日)凌晨主场4比1大炒车路士，喺煞科战前锁定联赛前4位置，阔别1年後重返欧联战场。不过，曼联今仗亦付出代价，巴西翼锋安东尼马菲奥斯上半场足踝受伤，要由担架抬离场，好可能会缺席下星期嘅英足盃决赛。
        曼联今场需要1分确保欧联席位，6分钟即由卡斯米路头槌先开纪录，车路士之後亦有唔少攻势，但把握力仍旧差劲。曼联29分钟有安东尼被踢伤，怀疑足踝受创表情相当痛苦，军医治理後最後用担架抬走。曼联完半场前由安东尼马迪尔接应查顿辛祖传送，龙门口轻松射入。
        换边後双方继续对攻，73分钟般奴费南迪斯被韦斯利科芬拿禁区内勾跌，佢亲自操刀12码射成3比0，韦斯利科芬拿5分钟後再有「自杀式」横传被截，拉舒福特不负所托攻入第4球，车路士完场前1分钟由祖奥菲历斯破蛋，曼联仍然大胜4比1完成任务。
        曼联领队坦哈格赛後表示：「云格曾讲过入前4好似捧盃，喺英超的确如此，因为英超太过艰难。曼联系属於欧联，喺英超面对咁多竞争系唔容易，所以落实前4位置非常重要。曼联仍然未去到我哋期望嘅位置，但重返欧联绝对系非常重要嘅一步。」
        对於安东尼受伤，坦哈格表示情况唔乐观：「我唔知佢实际情况，大家都睇住佢点样出场，我可以话你知个伤势系严重，但我哋至少要等24个钟头，之後可能会知道更多。」曼联喺周日(28日)英超煞科战主场对富咸，下周六(3日)就会喺英足盃决赛大战曼城。