菲腊斯恶梦首演 自杀式助攻累韦斯咸失分

xcy232323

       


        周五(2日)凌晨英超赛事，韦斯咸主场1比1打和般尼茅夫，早前由曼城借用嘅中场加云菲腊斯，首次披甲即「孭镬」，自杀式助攻畀对手入波。不过韦斯咸领队莫耶斯并冇怪责佢，认为佢适应新环境後会愈踢愈好。
        加云菲腊斯加盟後即做正选，估唔到首演只系3分钟就出事，葛特苏马後场交「医院波」，加云菲腊斯喺对手杀到前急忙回传，点知直接交畀苏兰基射入，重播显示苏兰基当时处於越位位置，就算韦斯咸球员抢先交到都会构成越位，加云菲腊斯「多脚」变完美助攻。好在禾特普斯下半场射入12码追平，令韦斯咸执番1分。
        莫耶斯赛後表示：「我哋好少失呢啲波，球队发挥未达水平。菲腊斯冇问题，佢踢咗差唔多70分钟，我之前讲过要畀啲耐性佢。菲腊斯开头动作有啲慢，但之後就愈踢愈好，我相信随住上阵时间增加，佢会表现得更加好。