咁突然？传艾历臣日内投加拉塔沙雷

xcy232323

       

        欧洲主要联赛嘅冬季转会窗早已结束，不过土超嘅冬窗就喺星期五(9日)先关闭，据报加拉塔沙雷正同曼联洽商，准备罗致丹麦中场基斯甸艾历臣，希望以「先借後买」方式完成交易，甚至想赶及令艾历臣喺周末对巴沙克舒希嘅联赛首演。
        土耳其媒体《Foto Mac》报道，加拉塔沙雷正秘密同曼联接洽，提出先借用半季，并设有买断条款，就算最後赶唔切喺今个转会窗完成交易，亦想提早取得共识，喺夏天再度收购。艾历臣同曼联嘅合约去到2025年夏天，但佢近期上阵机会已大大减少。
        31岁嘅艾历臣因伤患同状态问题，自上年11月中开始只踢过3次正选，喺麦汤米尼回勇、马恩奥成功弹起後，呢位丹麦发电机喺阵中嘅重要性已大不如前，为以最佳状态帮丹麦踢夏天嘅欧国盃决赛周，转会寻求上阵机会亦系人之常情。